غيبة الاحباب

غيبـــة الأحباب

هلت دموع العين من غيبة الأحباب
والقلب حاير حزين من عقب فرقاهم
ويش ينفع الوله وكثر اللوم والعتاب
دام قلبي في يديهم ومبتلي في هواهم
صابر على ظيم الهجر والهوى غلاب
عساهم يحنوا على حال المولع عساهم
كل المخاليق دونهم عندي اغراب
شقي حالي ما يهوى ولا يرضى سواهم
حسبي على وليف من البال ما غاب
يفز قلبي كل ما جا قدامي طرياهم
تغلبني عبرتي وعلى خدي تنساب
يرخصلهم كل غالي والعين تفداهم
احلف باللي عنده المرجع ويوم الحساب
ما ترتاح الروح ولا تهدى الا معاهم